Kahanu Cuban Waipuna lau ke aloha kākou e nā hoa makamaka! ʻO wau kēia ʻo Kahanu Cuban a no Hauʻula, Oʻahu mai au. Ua puka wau mai ke kula nui o Hawaiʻi ma Mānoa me ka mēkia ʻōlelo Hawaiʻi. Ma koʻu ala ʻimi naʻauao ʻōlelo Hawaiʻi, ua puka wau mai ka Pūnana Leo o Kawaiahaʻo, a hoʻomau i ka ʻōlelo Hawaiʻi ma Ke Kula Kaiapuni ʻo Ānuenue, a laila puka wau mai Kamehameha Kapālama i ka makahiki 2019. “E paepae hou ʻia ka pōhaku, i paʻa maila ke kahua hale hou.” Nui hoʻi koʻu aloha i ko kākou lāhui, ko kākou ʻāina, ko kākou moʻomeheu Hawaiʻi, a me ko kākou mōʻī wahine. E ola mau nā iwi! I ola kā kākou ʻōlelo kamahaʻo ma nā ʻano like ʻole.